ԱՄՆ-ի 43-րդ նախագահ Ջորջ Բուշ կրտսերի սև կատվից՝ Ինդիայից հետո ԱՄՆ նախագահները Սպիտակ տանը միայն շներ են պահել։ Կատվից բացի, Բայդենն այժմ երկու գերմանական հովվաշուն ունի։
Ուիլոուն Արևմտյան Փենսիլվանիայի ֆերմայից է: 2020 թվականին նա մեծ տպավորություն էր թողել Բայդենի կնոջ վրա՝ նախընտրական ճանապարհորդության ժամանակ «թռնելով բեմ» ու ընդհատելով ապագա առաջին տիկնոջ ելույթը։ Արդյունքում Ջիլը ոչ միայն որդեգրեց նրան, այլև կոչեց Ուիլլոու` ի պատիվ այն վայրի, որտեղ ինքը մեծացել էր։
Սպիտակ տանը ընտանի կենդանիներ պահելու ավանդույթն առաջին անգամ ներդրել է Միացյալ Նահանգների առաջին նախագահ Ջորջ Վաշինգտոնը։ Նա կենդանասեր էր ու նույնիսկ «ամերիկյան աղվեսների հայր» մականուն էր ստացել։ Վաշինգտոնը տարբեր ցեղատեսակների շներ էր պահում:
Ֆրանկլին Ռուզվելտն իր նախագահության տարիներին Ֆալա անունով շուն ուներ: Շոտլանդական տերիերը միակ նախագահական ընտանի կենդանին էր, որն արժանացել է նախագահական հուշարձանի վրա պատկերված լինելու պատվին:
Քենեդու նախագահության օրոք, բացի շներից, Սպիտակ տանը ապրել են բադի ձագեր, գերմանամկներ, նապաստակներ և նույնիսկ պոնիներ։ Առաջին կատուն Սպիտակ տանը բնակություն է հաստատել նախագահ Ռոնալդ Ռեյգանի օրոք։ Նա նաև մի քանի ձի ու բազմաթիվ շներ էր պահում։
Sputnik Արմենիայի ֆոտոշարքում կարող եք տեսնել, թե ինչպես է Ուիլլոուն ընտելացել ԱՄՆ նախագահական նստավայրում։