ԵՐԵՎԱՆ, 21 հունվարի – Sputnik. ՀՀ վարչապետ Նիկոլ Փաշինյանը Զբոսաշրջության կոմիտեի նոր նախագահ է նշանակել։
Որոշումը հրապարակված է ՀՀ կառավարության e-gov.am տեղեկատվական հարթակում։
«Ղեկավարվելով «Հանրային ծառայության մասին» օրենքի 9-րդ հոդվածի 7-րդ մասով՝ Սիսիան Պօղոսեանին նշանակել զբոսաշրջության կոմիտեի նախագահ»,- նշված է վարչապետի որոշման մեջ:
Սիսիան Պօղոսեանը Կանադայի հաջողակ մարկետոլոգներից է: 2019 թվականին Հայաստան է եկել որպես կամավոր։ Նա դասախոսություններ էր կարդում Ամերիկյան համալսարանի ուսանողների համար։
Նշենք, որ Պօղոսեանից առաջ այս պաշտոնը զբաղեցնում էր Սուսաննա Սաֆարյանը։ Նրան այս պաշտոնից Նիկոլ Փաշինյանն ազատել էր 2021 թվականի փետրվարին` շուրջ երկու տարվա աշխատանքից հետո։