ԵՐԵՎԱՆ, 21 հունվարի – Sputnik. Իտալիայի գավաթի խաղարկության 1/8 եզրափակիչում «Ռոման» «Լեչչեի» նկատմամբ 3-1 հաշվով կամային հաղթանակ տարավ և դուրս եկավ քառորդ եզրափակիչ։
15-րդ րոպեին հաշիվը բացեց Արտուրո Կալաբրեզին։ 40-րդ րոպեին պատասխան գոլի հեղինակ դարձավ Մարաշ Կումբուլան։
Երկրորդ խաղակեսի մեկնարկից առաջ խաղադաշտ մտավ Հայաստանի հավաքականի և «Ռոմայի» կիսապաշտպան Հենրիխ Մխիթարյանը և իր 100-րդ հանդիպումն անցկացրեց «գայլերի» կազմում։
54-րդ րոպեին Մխիթարյանի փոխանցումից հետո գոլի հեղինակ դարձավ Թեմի Աբրահամը։ 81-րդ րոպեին Հենրիխը կատարեց երկրորդ գոլային փոխանցումը, այս անգամ` Էլդոր Շոմուրոդովին։
Հունվարի 21-ին Մխիթարյանը նշում է ծննդյան 33-ամյակը, և 2 կարևոր հոբելյանները նա նշեց գոլային փոխանցումներով։