ԵՐԵՎԱՆ, 21 հունվարի – Sputnik. Հայաստանի բասկետբոլի ազգային թիմի նոր գլխավոր մարզիչը կլինի Ռեքս Կալամյանը: Տեղեկությունը հայտնում է Հայաստանի բասկետբոլի ֆեդերացիան:
Նշվում է, որ Հայաստանի ազգային հավաքականի գլխավոր մարզչի նշանակման հետ կապված` ֆեդերացիան ավարտել է բանակցությունները:
«Դետրոյթ Փիստոնս» թիմի ներկայիս մարզիչ Ռեքս Կալամյանը շուրջ 30 տարի աշխատում է NBA-ում:
Նշենք, որ Կալամյանի գլխավորությամբ Հայաստանի ազգային հավաքականը կմասնակցի փոքր երկրների Եվրոպայի առաջնությանը, որը կանցկացվի հունիսի 28-ից հուլիսի 3-ը Մալթայի Տա-Քալի քաղաքում: