ԵՐԵՎԱՆ, 19 հունվարի – Sputnik. ՀՀ ոստիկանությունը հունվարի 18-ին հայտնաբերել է «Գրանդ Քենդի» ՍՊԸ-ից մոտ 15 մլն դրամ հափշտակած երկու կասկածյալներին: Տեղեկությունը հայտնում է shamshyan.com-ը։
Նշվում է, որ Երևանի Շահամիրյանների փողոցից ոստիկանություն են բերման ենթարկել Երևանի բնակիչներ, 31-ամյա Արման Ս.-ին և 35-ամյա Հովսեփ Ս.-ին: Նրանք եղել են «Mercedes» մակնիշի ավտոմեքենայով:
Քննիչի որոշմամբ` տղամարդիկ ձերբակալվել են:
Կայքի տեղեկություններով՝ կասկածյալները բնակվում են Երևանի Շենգավիթ համայնքում։
Հիշեցնենք` «Գրանդ Քենդի» գործարանում կողոպուտ էր գրանցվել դեկտեմբերի 22-ին։ Դիմակավորված անձինք մտել էին գործարանի գանձապահի աշխատասենյակ, հափշտակել գումարը և փախել։