ԵՐԵՎԱՆ, 18 հունվարի - Sputnik. Վուգար Մամեդովը պայթել է ականի վրա Ադրբեջանի Գերանբոյի շրջանում, հայտնում է Sputnik Ադրբեջանը։ Նշվում է, որ տղամարդն իր անասուններին է արածեցրել։
Դեպքից հետո տղամարդուն տեղափոխել են հիվանդանոց, որտեղ նրա ոտքն ամպուտացրել են։ Մամեդովի վիճակը գնահատվում է միջին ծանրության։
Հիշեցնենք, որ սա առաջին դեպքը չէ, երբ Ադրբեջանի քաղաքացիները պայթում են ականի վրա։ Հաճախակի են նման դեպքեր լինում նաև Ադրբեջանի վերահսկողության տակ անցած արցախյան տարածքներում։