ԵՐԵՎԱՆ, 16 հունվարի – Sputnik․ Ավստրիայի կառավարությունը որոշել է կորոնավիրուսի դեմ պատվաստումը պարտադիր դարձնել 18 տարեկանից բարձր քաղաքացիների շրջանում։ Heute պարբերականի հաղորդմամբ՝ այս մասին հայտարարել Է Ավստրիայի կանցլեր Կառլ Նեհամերը՝ համապատասխան օրինագիծը ներկայացնելով Վիեննայում կայացած մամուլի ասուլիսում։
Ինչպես նշել է կանցլերը` պատվաստումը չի կիրառվի 14 տարեկանից, ինչպես հայտարարվել էր ավելի վաղ՝ 2021–ի նոյեմբերին. այն կվերաբերի միայն չափահաս անձանց:
Նրա խոսքով՝ առանց հակացուցման մասին բժշկական տեղեկանքի պատվաստումից հրաժարվելու համար տուգանքները կսահմանվեն մարտի կեսերից ոչ շուտ։
Իր հերթին Ավստրիայի առողջապահության նախարար Վոլֆգանգ Մյուկշտեյնը մամուլի ասուլիսի ժամանակ հայտարարել է, որ պարտադիր պատվաստումը բարդ, բայց անհրաժեշտ որոշում է:
Հիշեցնենք, որ 2021–ի դեկտեմբերի 27-ից Ավստրիան խստացրել Է կորոնավիրուսի հետ կապված սահմանափակումները։
Հանրային սննդի կետերի աշխատանքային ժամերը կրճատվել են։ Քաղաքացիները պարտավոր են կրել FFP2 տիպի դիմակներ։