ԵՐԵՎԱՆ, 15 հունվարի – Sputnik. Կյանքի տևողությունը կարող է երկարել, եթե սննդակարգում մայոնեզը և մարգարինը փոխարինվեն ձիթապտղի յուղով։ Նման հայտարարություն են արել Հարվարդի բժշկական ֆակուլտետի գիտնականները, տեղեկանում ենք ՌԻԱ Նովոստիից։
Նրանց ուսումնասիրությունը հրապարակվել է ամերիկյան սրտաբանության քոլեջի ամսագրում։
Աշխատության հեղինակներն ուսումնասիրել են 90 000 կամավորների տվյալները և հանգել այն եզրակացության, որ 10 գրամ մարգարինի, կարագի կամ մայոնեզի փոխարինումը ձիթապտղի յուղի համապատասխան քանակով կնվազեցնի մահացության վտանգը բազմաթիվ հիվանդությունների դեպքում:
«Ձիթապտղի յուղի ավելի շատ գործածումը հանգեցրել է սրտանոթային հիվանդություններից 19 տոկոսով մահացության ռիսկի նվազեցմանը, քաղցկեղից՝ 17 տոկոսով, շնչառական հիվանդություններից՝ 18 տոկոսով»,–ասել են գիտնականները:
Նրանք նշել են, որ ամենաշատը ձիթապտղի յուղ են օգտագործում Հարավային Եվրոպայի և Միջերկրական ծովի բնակիչները։