Վիտալի Բալասանյանին վիրահատելու անհրաժեշտություն չկա. «Էրեբունի» ԲԿ–ի գործադիր տնօրեն

ԵՐԵՎԱՆ, 11 հունվարի – Sputnik. Արցախի անվտանգության խորհրդի քարտուղար Վիտալի Բալասանյանի առողջական վիճակը նորմալ է։ Sputnik Արմենիայի հետ զրույցում տեղեկությունը հայտնեց «Էրեբունի» բուժկենտրոնի գործադիր տնօրեն Միքայել Մանուկյանը։

Երեկ հայտնի դարձավ, որ Բալասանյանը սրտի նոպա է ունեցել և հոսպիտալացվել է։

Հիշեցնենք` Վիտալի Բալասանյանը Արցախի ԱԽ քարտուղար է նշանակվել 2020 թվականի դեկտեմբերի 2-ին։ Նա այդ պաշտոնն է զբաղեցրել նաև 2016-ից 2019 թվականներին, ազատվել է 2019–ի հունիսի 11-ին։ Բալասանյանը Արցախի հերոսի կոչում ունի։ Պարգևատրվել է «Մարտական Խաչ» 1-ին աստիճանի շքանշանով, «Ոսկե Արծիվ» շքանշանով: