«Սպուտնիկ լայթով» ռեվակցինացիան կպաշտպանի «Օմիկրոնից». ՌԴ առողջապահության նախարար

ԵՐԵՎԱՆ, 11 հունվարի – Sputnik. «Սպուտնիկ լայթ» պատվաստանյութով վերապատվաստումն ապահովում է պաշտպանություն կորոնավիրուսի «Օմիկրոն» շտամից: Այս մասին, ՌԻԱ Նովոստիի փոխանցմամբ, ՌԴ կառավարությանն առընթեր COVID-19-ի դեմ պայքարի համակարգող խորհրդի նախագահության նիստում հայտնել է առողջապահության նախարար Միխայիլ Մուրաշկոն։

Նրա խոսքով՝ «օմիկրոն» շտամի դեմ «Սպուտնիկ V» և «Սպուտնիկ լայթ» պատվաստանյութերի արդյունավետության մասին են վկայում Սպալանցանիի ինստիտուտի իտալացի գործընկերների հետ համատեղ Գամալեա կենտրոնի անցկացրած հետազոտությունները։

««Սպուտնիկ լայթ»–ով վերապատվաստված բուժառուների մոտ լավ չեզոքացնում է վիրուսը և թույլ է տալիս պաշտպանել «Օմիկրոն» շտամից»,- ասել է Մուրաշկոն:

ՌԴ առողջապահության նախարարը հերթական անգամ խորհուրդ է տվել ռեվակցինացիա անցնել։

Հիշեցնենք, որ նոյեմբերի վերջին Բոտսվանայում և ՀԱՀ-ում հայտնաբերվել է B.1.1.529 նոր շտամ («Օմիկրոն» մանրէահիմքը): Մասնագետները կարծում են, որ B.1.1.529-ն («Օմիկրոն» մանրէահիմքը) ի սկզբանե զարգացել է ՁԻԱՀ–ով հիվանդ կամ վարակակիր, թույլ իմունիտետ ունեցող մարդկանց մոտ։

Առողջապահության համաշխարհային կազմակերպությունը արտակարգ նիստի ժամանակ B.1.1.529-ը համարել է «մտահոգիչ» ու այն անվանել հունական «Օմիկրոն» տառով։ Դրանով կարող են վարակվել թե՛ Covid-19-ով վարակվածները, թե՛ պատվաստվածները։