ԵՐԵՎԱՆ, 10 հունվարի – Sputnik. Ղազախստանի մայրաքաղաք Նուր-Սուլթանում հայտնաբերվել է Ազգային անվտանգության կոմիտեի գնդապետ Ազամաթ Իբրաևի դին։
Ինչպես հայտնում է Sputnik Ղազախստանը` բարձրաստիճան իրավապահի դին գտել են իր տան բակում։ Կատարվում է նախաքննություն։
Նախագահ Կասիմ–Ժոմարտ Տոկաևը մեկ օր առաջ աշխատանքից ազատել էր ԱԱԿ-ի ղեկավարի երկու տեղակալներին։ Հատուկ ծառայության նախկին պետ Քարիմ Մասիմովը ձերբակալվել էր պետական դավաճանության գործով։
Նշենք, որ այսօր ինքնասպանություն էր գործել Ղազախստանի Ժամբիրի շրջան ոտիկանապետ, գեներալ Ժանատ Սուլեյմենովը։
Ղազախստանում բողոքի զանգվածային ցույցեր էին սկսվել 2022 թվականի հունվարի առաջին օրերին։ Հունվարի 4–ին և 5-ին Ալմաթիում բախումներ էին տեղի ունեցել ցուցարարների և ուժայինների միջև։
Հունվարի 5-ին Ղազախստանի նախագահ Կասիմ-Ժոմարտ Տոկաևը երկրում երկշաբաթյա արտակարգ դրություն է մտցրել։ Նա օգնության համար դիմել է Հավաքական անվտանգության պայմանագրի կազմակերպությանը, որն այս տարի նախագահում է Հայաստանը։
ՀԱՊԿ-ը իրավիճակը կայունացնելու համար խաղաղապահ զորախումբ է ուղարկել Ղազախստան, որոնց թվում 100 զինծառայող կա Հայաստանից։