ԵՐԵՎԱՆ, 9 հունվարի – Sputnik. Ղազախստանում արտակարգ դրության ռեժիմի պահպանման գործողությունների ընթացքում 2 զինծառայող է զոհվել։ Տեղեկությունը հայտնում է ՌԻԱ Նովոստին, վկայակոչելով երկրի պաշտպանության նախարարությանը։
«Ընդհանուր առմամբ, 2022 թվականի հունվարի 9-ի դրությամբ, արտակարգ դրության ռեժիմի պահպանման գործողությունների ընթացքում Ղազախստանի զինված ուժերում 2 զինծառայող է զոհվել, վիրավորվել է 163-ը», - ասված է Telegram-ալիքում, որտեղ ղազախական նախարարությունները հաղորդագրություններ են հրապարակում:
Հաղորդվում է, որ Ղազախստանի մի շարք շրջաններում ծայրահեղականները հարձակման փորձեր են ձեռնարկել զորամասերի վրա, սակայն նրանց չի հաջողվել ներխուժել ռազմական օբյեկտներ։
Այժմ բոլոր բնակավայրերում ղազախստանցի զինծառայողները ոստիկանության և Ազգային գվարդիայի աշխատակիցների հետ միասին ծառայություն են իրականացնում անցակետերում:
Հանրապետության ՆԳՆ տվյալներով՝ զոհվել է նաև 16 ղազախստանցի իրավապահ։
Երկրի ՆԳՆ–ն հայտնել է, որ ընդհանուր առմամբ ձերբակալվել է շուրջ 6000 մարդ, հարուցվել է 125 քրեական գործ։