Թյուրքական պետությունների կազմակերպության ԱԳ նախարարները հրատապ հանդիպում կանցկացնեն

17:36, 7 հունվարի 2022
CC BY-SA 4.0 / Elekes Andor / Turkic Council pavilion (cropped, resized and color corrected)
Արտաքին քաղաքական գերատեսչությունների ղեկավարների՝ Ղազախստանի հարցով արտահերթ նիստը նախատեսված է հունվարի 11-ին։
Sputnik
ԵՐԵՎԱՆ, 7 հունվարի – Sputnik․ Թյուրքական պետությունների կազմակերպության արտաքին գործերի նախարարները հունվարի 11-ին արտահերթ նիստ կանցկացնեն՝ կապված Ղազախստանում տիրող իրավիճակի հետ։ Տեղեկությունը հայտնում է «Անադոլու» գործակալությունը։
Թուրքիայի ԱԳ նախարար Մևլութ Չավուշօղլուն Ղազախստանի ԱԳ նախարարի պաշտոնակատար Մուխտար Տլեուբերդիի հետ հեռախոսազրույցում քննարկել է արտահերթ նիստի անցկացման հարցը։
ՀԱՊԿ-ի խաղաղապահները Ղազախստանում
Դավութօղլուն վշտացած է. Ղազախստանը դիմել է ՀԱՊԿ-ին, որը նախագահում է Հայաստանը
7 հունվարի 2022, 13:00
Ավելի վաղ կազմակերպությունը հանդես էր եկել հայտարարությամբ, որում, մասնավորապես, ասվում էր, որ կառույցը պատրաստ է անհրաժեշտ աջակցություն ցուցաբերել Ղազախստանի կառավարությանն ու ժողովրդին։
Նշենք, որ Թյուրքական պետությունների կազմակերպությունն այսօր միավորում է Թուրքիան, Ադրբեջանը, Ղազախստանը, Ղրղզստանն ու Ուզբեկստանը։ Կառույցի գործունեությանը դիտորդի կարգավիճակով մասնակցում են Թուրքմենստանն ու Հունգարիան։
2009 թվականին ստեղծված Թյուրքական խորհուրդը 2020 թվականին վերափոխվել է՝ դառնալով Թյուրքական պետությունների կազմակերպություն։
ԹուրքիաՂազախստանհանդիպում