ԵՐԵՎԱՆ, 4 հոնվարի – Sputnik. ՀՀ ԶՈւ հրթիռային զորքերի և հրետանու պետ-վարչության պետ, գեներալ-մայոր Արմեն Հարությունյանն ամանորյա տոնական օրերին այցելել է N զորամիավորման հրետանային ստորաբաժանումներ։ Տեղեկությունը հայտնում է ՀՀ պաշտպանության նախարարությունը։
Այցի ընթացքում գեներալ-մայորը ստուգել է զորամասերում ծառայության կազմակերպման ընթացքն ու զինծառայողների պատրաստության աստիճանը, տվել համապատասխան հանձնարարականներ։
Նա շնորհավորել է անձնակազմին Ամանորի կապակցությամբ և խրախուսել ծառայության ընթացքում աչքի ընկած հրետանավորներին։