ԵՐԵՎԱՆ, 4 հունվարի – Sputnik. Արցախում, ի թիվս առկա խնդիրների, առաջնային են մնում անվտանգային հարցերը։ Ուժային կառույցների ղեկավարների մասնակցությամբ այսօր` տարեսկզբի առաջին աշխատանքային խորհրդակցության ժամանակ հայտարարել է Արցախի նախագահ Արայիկ Հարությունյանը։ Տեղեկությունը հայտնում է Արցախի նախագահի աշխատակազմը։
«Հարությունյանը երկրի ներքին ու արտաքին անվտանգության ապահովման առումով մի շարք հանձնարարականներ է տվել հանդիպման մասնակիցներին»,–նշված է հաղորդագրության մեջ։
Հարությունյանը բարձր է գնահատել ամանորյա տոներին ուժային կառույցների արդյունավետ ու համագործակցված աշխատանքը։
Հանդիպման ժամանակ լայն օրակարգ է քննարկվել ընթացիկ աշխատանքների և նախատեսվող ծրագրերի ուղղությամբ։