Աստղաբան Տիանա Ատլասը 5-tv.ru–ին պատմել է համաստեղության այն 3 նշանների ներկայացուցիչների մասին, որոնք այս տարի կհանդիպեն իրենց սիրուն։ Եվ այսպես` ո՞ւմ բախտը կբերի այդ հարցում։
Վագրը լիովին Առյուծի կողմից է։ 2022թ․-ին Առյուծները կարող են անհավանական հաջողության հասնել աշխատանքում։
«Հատկապես տարվա առաջին կեսին մոլորակներն աջակցում են ցանկացած ռիսկային նախաձեռնության։ Արդեն փետրվարից դուք կարող էք էներգիայի և ուժերի անհավանական ներհոսք զգալ»,-ասել է Ատլասը։
Փետրվարին, ըստ հորոսկոպի, Առյուծներին հմայիչ մարդու հետ ծանոթություն է սպասում։ Վերջինս կարող է այս նշանի տակ ծնվածի կյանքում շատ ավելի կարևոր դեր խաղալ, քան թվում է առաջին հայացքից։ Բացի այդ, Առյուծներն օգտակար շփումներ ձեռք կբերեն աշխատավայրում առաջընթաց գրանցելու համար։
2022թ․-ը Առյուծներին մի շարք անսպասելի և միաժամանակ հաճելի անակնկալներ է խոստանում սիրային դաշտում։ Նախորդ տարի այդ նշանի ներկայացուցիչների սիրային հարաբերությունները ոչ մի կերպ չէին դասավորվում, իսկ այս տարի նրանց բախտը վերջապես կբերի, և Առյուծները կգտնեն իրենց սիրուն։
Աստղերը հուշում են, որ 2022-ին Այծեղջյուրը կարող է լուծել իր վաղեմի խնդիրը։ Սակայն դրա համար նա պետք է հաճախ շփվի մարդկանց հետ։ Աստղերն Այծեղջյուրներին կոչ են անում ուշադրություն դարձնել իրենց արտաքինին։
«Տարին շատ ռոմանտիկա է խոստանում»,-նշել է աստղաբանը։
Վագրի տարում Այծեղջյուրները պետք է պակաս լուրջ լինեն։ Հակառակ դեպքում ձեռնարկածը կործանելու վտանգ կառաջանա։ Իսկ 2022թ․-ին զույգի որոնումներում հարկավոր է իջեցնել պահանջների նշաձողը։
Սիրային գործերում Այծեղջյուրներին ևս կժպտա հաջողությունը, բայց մի պայման կա։ Այս տարի Այծեղջյուրներն անպայման կհանդիպեն իրենց սիրուն, միայն թե պետք է 2022թ․-ին մի կողմ թողնեն իրենց բոլոր խնդիրները։ Երբ նրանք դա անեն, սերը կսպասի մոտակա անկյունում։
Աստղերը հուշում են, որ Աղեղնավորն ու այս տարվա խորհրդանշան Վագրն էլ ընդհանուր լեզու կգտնեն։ Այդուհանդերձ, այս նշանի ներկայացուցիչները պետք է ավելի զգույշ լինին Վագրի հետ։ Սուրճն ու էներգետիկ ըմպելիքները պետք է սահմանափակել, իսկ ավելի լավ է՝ բոլորովին հրաժարվել։
«Կարգուկանոն հաստատեք ձեր օրվա պլանում»,-խորհուրդ է տվել աստղաբանը։
2022թ․-ին Աղեղնավորները փոփոխություններ կունենան ֆինանսական հարթությունում։ Բացառված չէ, որ դրամական խնդիրներ առաջանան։ Հնարավոր է նաև` խոշոր շահում ունենան կամ ժառանգություն ստանան։
Վագրը կուրախացնի նաև Աղեղնավորների պես երդվյալ միայնակներին։ 2022թ․-ին այս նշանի ներկայացուցիչները վերջապես կգտնեն հենց այն մեկին, ում հետ երջանիկ կլինեն։