ԵՐԵՎԱՆ, 3 հունվարի – Sputnik. Հայտնի հեռուստաաստղ Քիմ Քարդաշյանի նախկին ամուսնուն` հայտնի ռեփեր Քանյե Ուեսթին, «բռնացրել» են նոր ընկերուհու հետ։ TMZ-ն հայտնում է, որ Ուեսթին Մայամիի ռեստորաններից մեկում տեսել են 33-ամյա դերասանուհի Ջուլյա Ֆոքսի հետ։
Դեռ վաղուց էին լուրեր շրջանառվում, որ չնայած Ուեսթի հրապարակային հայտարարություններին, թե դեռ շարունակում է սիրել Քիմին, նա սկսել է ժամադրությունների գնալ։ Ի դեպ, նշվում է նաև, որ Ուսեթի և Ջուլյայի միջև հարաբերությունները լուրջ չեն` նրանք պարզապես ժամադրության են գնացել։
Հիշեցնենք, որ Քիմ Քարդաշյանն ու Քանյե Ուեսթն ամուսնալուծվելու հայց էին ներկայացրել 2020թ–ի փետրվարին։ Բաց Քանյեն մամուլում պնդում էր, որ իրենք, հնարավոր է, վերամիավորվեն։
Ամռանն ամերիկացի ռեփերը թողարկել էր նոր «Come To Life» երգը, որի հոլովակում նկարահանվել էր Քիմը՝ հարսանեկան զգեստով։