ԵՐԵՎԱՆ, 1 հունվարի – Sputnik. Թատրոնի և կինոյի հայտնի դերասանուհի, հեռուստահաղորդավարուհի Նազենի Հովհաննիսյանը խախտել է ավանդույթը և Ամանորը դիմավորել է ոչ թե ընտանիքում, այլ Հայաստանից դուրս։ Այս մասին նա հայտնել է իր Instagram-ում։
Հովհաննիսյանն իր story-ներում տեսանյութ է հրապարակել, որտեղ երևում է, որ նա նոր տարվա առաջին օրը անցկացնում է ծովում։
«Նոր տարին քնած եմ դիմավորել»,- խոստովանել է Հովհաննիսյանը։
Նրա խոսքով` արթնացել է առավոտյան ժամը 04:00-ին հյուրանոցի անձնակազմի ձայներից. նրանք լողավազանի ջուրն էին փոխում։ Դրանից հետո նա ինքն է գնացել լողափ, արևի տակ պառկել և լիցքավորվել ծովային էներգիայով։
Նազենի Հովհաննիսյանը «Ոչինչ չի մնա», «Սպանված աղավնին», «Ալա բալա նիցա» ֆիլմերի աստղն է, նա բազմաթիվ հաղորդումներ է վարել։ Instagram-ում նա ամենաշատ հետևորդներ ունեցող հայաստանցի աստղերից մեկն է՝ ավելի քան կես միլիոն հետևորդ։