Մխչյան գյուղում մեքենան այրվել և վերածվել է մոխրակույտի

ԵՐԵՎԱՆ, 1 հունվարի – Sputnik. Արարատի մարզի Մխչյան գյուղում մեքենան այրվել և վերածվել է մոխրակույտի։

Ինչպես հայտնում է Shamshyan.com-ը, արտակարգ իրավիճակների նախարարության փրկարար ծառայության 911 ճգնաժամային կառավարման կենտրոն ահազանգը ստացվել է ժամը 10։00-ի սահմաններում։ Տեղեկացրել են, որ Մխչյան գյուղի Արտաշատյան խճուղու թիվ 37 տան դիմաց ավտոմեքենա է այրվում։

Դեպքի վայր ժամանած ԱԻՆ հրշեջները մարել են Opel Omega-ում առաջացած կրակը, սակայն այն ամբողջովին վերածվել է մոխրակույտի։

Ոստիկանությունը պարզում է ավտոմեքենայի սեփականատիրոջ ինքնությունը։