ԵՐԵՎԱՆ, 31 դեկտեմբերի - Sputnik. Սուրբ Ծննդյան տոնին ընդառաջ՝ դեկտեմբերի 31-ին, Ն․Ս․Օ․Տ․Տ․ Գարեգին Երկրորդ Ծայրագույն Պատրիարք և Աﬔնայն Հայոց Կաթողիկոսը ՀՀ ԶՈւ հոգևոր առաջնորդ Հոգեշնորհ Տ․ Մովսես վարդապետ Սարգսյանի ուղեկցությամբ այցելել է Հայաստանի Հանրապետության արևմտյան սահմանագծի մարտական դիրքեր։ Այս մասին հայտնում են Մայր Աթոռի տեղեկատվական համակարգից։
Ն.Ս. Օ. Տ. Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը Ամանորի և Սուրբ Ծննդյան տոներին ընդառաջ այցելել է պետական սահմանին ծառայություն իրականացնող զինծառայողներին (31 դեկտեմբերի, 2021թ). Հայաստան
© Photo : Info Service Dept of the Mother See
Հայոց Հայրապետը, իր օրհնությունն ու բարեմաղթանքները փոխանցելով սահմանապահ զինվորականներին, մեծապես արժևորել է հայ զինվորի և հրամանատարի անձնվեր ու անմնացորդ ծառայությունը հայրենիքին։ Նորին Սրբությունն ընդգծել է նաև, որ Հայոց բանակի քաջարի մարտիկները մշտապես Հայոց Հայրապետի և հայ եկեղեցականների աղոթքներում են։
Ն.Ս. Օ. Տ. Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը Ամանորի և Սուրբ Ծննդյան տոներին ընդառաջ այցելել է պետական սահմանին ծառայություն իրականացնող զինծառայողներին (31 դեկտեմբերի, 2021թ). Հայաստան
© Photo : Info Service Dept of the Mother See
Վերջում Նորին Սրբությունը սրբապատկերներ, խաչեր և աղոթագրքեր է ընծայել զինվորներին՝ բարեմաղթելով անփորձանք և խաղաղ ծառայություն։