Տոլմա, ծիծակ ու փախլավա. Սիրիայի «Հմեյմիմ» ավիաբազայում հայկական ուտեստներ են համտեսել

ԵՐԵՎԱՆ, 28 դեկտեմբերի - Sputnik. Սիրիայի «Հմեյմիմ» ռուսական ռազմաօդային ավիաբազայում «Ազգային խոհանոցի օր» խորագրով ակցիա է կազմակերպվել։ Տեղեկությունը հայտնում է «Զվեզդա» հեռուստաալիքը։

Ըստ հաղորդագրության` բանակային սովորական ճաշարանը վերածվել է ազգային խոհանոցի ռեստորանի։

Ճաշացանկում տեղ են գտել նաև հայկական խոհանոցի ուտեստները` ծիծակ, տոլմա, փախլավա։

Ավիաբազայի հրամանատարության ներկայացուցչի խոսքով՝ նման ակցիաները երեք հիմնական նպատակ ունեն՝ խրախուսել զինծառայողներին գերազանց ծառայության համար, դիվերսիֆիկացնել նրանց սննդակարգը և հաղորդակից դարձնել եղբայրական ժողովուրդների խոհանոցին: