ԵՐԵՎԱՆ, 28 դեկտեմբերի – Sputnik. Այսօր Չարենցավանում սպանություն է տեղի ունեցել` 64-ամյա մի կին է սպանվել, դեպքի առթիվ քրեական գործ է հարուցվել։ Տեղեկությունը հայտնում է ՀՀ քննչական կոմիտեն` մանրամասներ հայտնելով դեպքից։
Դեպքի վերաբերյալ ահազանգը ստացվել է այսօր ժամը 10:55-ին, տեղեկացվել, որ Չարենցավան քաղաքի 3-րդ թաղամասի շենքերից մեկի բնակարանում հայտնաբերվել է 64-ամյա կնոջ արնաշաղախ դի:
Դեպքի վայր մեկնած քննչական-օպերատիվ խմբի կողմից կատարված դեպքի վայրի զննությամբ վերը նշված բնակարանի հյուրասենյակում հայտնաբերվել է տանտիրուհու դին՝ պարանոցի հատվածում կտրված վերքով:
Նշանակվել է դիակի դատաբժշկական փորձաքննություն, վերցվել են նմուշներ:
Դեպքի առթիվ ՀՀ քրեական օրենսգրքի 104-րդ հոդվածի 1-ին մասով` սպանության հատկանիշներով, քրգործ է հարուցվել։
Նախաքննությունը շարունակվում է: