1895 թ. դեկտեմբերի 28-ին Փարիզում` Կապուցիների բուլվարի «Գրանդ կաֆե» սրճարանում, տեղի ունեցավ Լյումիեր եղբայրների սինեմատոգրաֆի առաջին սեանսը` ցուցադրվեց «Աշխատավորների ելքը ֆաբրիկայից» ֆիլմը։ Հենց այդ օրն էլ դարձավ Կինոյի միջազգային օրը:
Ինչ վերաբերում է Հայաստանին, ապա առաջին կինոցուցադրությունը կայացել է 1899 թ–ին` Երևանում: Այստեղ էլ շարժվող նկարները, ինչպես աշխարհի տարբեր վայրերում, դիտողների մոտ խուճապ են առաջացրել: Հայկական կինոյի օրը համարվում է ապրիլի 16-ը, քանի որ 1923 թ. Խորհրդային Հայաստանի կառավարությունը դեկրետ ընդունեց «Կինոյի մասին» և ստեղծեց առաջին պետական կինոկազմակերպությունը:
126 տարվա ընթացքում նկարահանվել են բազմաթիվ կարճամետրաժ և լիամետրաժ ֆիլմեր, սակայն քչերն են մնացել մարդկանց հիշողության մեջ կամ էլ դարձել ամենաշահութաբերը։
Եթե առանձնացնենք ամենաշահութաբեր ֆիլմերի տասնյակը, ապա այն կգլխավորի Վիկտոր Ֆլեմինգի «Քամուց քշվածները» (1939թ.) ֆիլմը. այն 3,7 միլիարդ դոլար է «վաստակել»։
Ամենաշահութաբեր ֆիլմերի տասնյակի վերջում տեղում է «Աստղային պատերազմներ. ուժի զարթոնքը» (2015թ.) ֆիլմը, որն էլ 2, 2 միլիարդ դոլար է «վաստակել»։