Այս տարի Ցուլերն իրենց սովորական առօրյան, ապրելակերպը փոխելու անհրաժեշտություն կզգան։ Բնավորությամբ համառ Ցուլերը ստիպված կլինեն սովորել փոխզիջման գնալ ու հաշվի առնել նաև շրջապատի կարծիքը։ Կյանքը ցույց կտա, որ իրենք ամենաճիշտը չեն։
2022 թվականը կստիպի նշանի ներկայացուցիչներին փոխել վերաբերմունքը շատ երևույթների նկատմամբ, կսովորեցնի այլ կերպ նայել ապագային։ Աստղաբանները խորհուրդ են տալիս նախապես պատրաստ լինել նոր իրողություններին։ Եթե նրանք սովորեն շուտ հարմարվել նոր իրավիճակներին, ապա տարին հաջողակ ու արդյունավետ կլինի։
Տղամարդ Ցուլերի կյանքում փոփոխության ժամանակն է
Հատկապես տղամարդ Ցուլերին աստղաբանները խորհուրդ են տալիս հաշվի առնել ընկերների ու գործընկերների կարծիքը։ Փոփոխության ժամանակն է։ Նշանի այն ներկայացուցիչները, որոնք համարձակություն կունենան այլ տեսանկյունից նայել իրենց գիտելիքներին, հարստացնել դրանք, կհայտնվեն նոր իրականության մեջ ու չեն փոշմանի։
Աշխատանքում ակտիվությունը կպարգևատրվի, սակայն անկառավարելի եռանդ ներդնելու կարիք չկա. վաղ թե ուշ ուժերը կսպառվեն, և աշխատելու ցանկությունն ընդհանրապես կվերանա։ Այդ իրավիճակից խուսափելու համար պետք է հանգստանալու ժամանակ գտնել։ Ընտանեկան կյանքում հիմնականում հանգիստ մթնոլորտ կտիրի։
Միայնակ տղամարդիկ կկարողանան գտնել իրենց սիրելիին, եթե միայն ժամանակ հատկացնեն անձնական կյանքին։
Կին Ցուլերը ամուսնության հարցում չպետք է առաջնորդվեն միայն զգացմունքներով
Գործնական կյանքում ստեղծված անկայուն իրավիճակում կին Ցուլերը կցանկանան հուսալի թիկունք և աջակցություն ստանալ զուգընկերոջից: Անձնական կյանքում ամեն ինչ ներդաշնակ կլինի։
Նշանի միայնակ ներկայացուցիչներից շատերը ձմռան ամիսներին ամուսնության առաջարկ կստանան։ Այնուամենայնիվ, պետք չէ առաջնորդվել միայն զգացմունքներով։
Աստղաբանների կարծիքով՝ ժամադրության համար ամենաբարենպաստ ժամանակահատվածը ապրիլն է և ամռան ու աշնան առաջին ամիսները։
Տարվա առաջին կեսը հնարավորություն կտա դառնալ ավելի հաջողակ և բարելավել կյանքի որակը։
Կին Ցուլերը ստիպված կլինեն հաճախ կիրառել կոնֆլիկտները հարթելու իրենց ունակությունը: Տարին արդյունավետ կլինի հին կապերն ամրապնդելու համար։