ԵՐԵՎԱՆ, 25 դեկտեմբերի – Sputnik. Օրերս Բերքանուշ գյուղի Շահումյան փողոցում վիճաբանություն է սկսվել համագյուղացիների միջև, որի ժամանակ նաև կրակոցներ են հնչել։ Տեղեկությունը հայտնում է ոստիկանությունը` հավելելով, որ դեպքի մասին երեկ է ոստիկանությունն օպերատիվ տեղեկություններ ստացել։
Պարզվել է, որ նույն գյուղի 26 և 38 տարեկան երկու բնակիչ վիճել են, ձեռքերով և ոտքերով հարվածել իրար` պատճառելով մարմնական վնասվածքներ։ Դրանից հետո նրանցից մեկը մեքենայից հանել է որսորդական հրացանը և կրակոցներ արձակել:
Համագյուղացիները ներկայացել են բաժին և տվել խոստովանական բացատրություն. 26-ամյա երիտասարդը ներկայացրել է իր անվամբ հաշվառված ողորկափող որսորդական հրացանը:
Հանգամանքները պարզվում են: Նախապատրաստվում են նյութեր: