Իրանի արտգործնախարարը մեկնել է Ադրբեջան

ԵՐԵՎԱՆ, 22 դեկտեմբերի – Sputnik. Իրանի արտաքին գործերի նախարար Ամիր Աբդոլահիանը մեկնել է Բաքու։ Տեղեկությունը հայտնում է IRNA-ն` հղում անելով գերատեսչության մամուլի ծառայությանը։

Ըստ հաղորդագրության` Աբդոլահիանը Ադրբեջանի պաշտոնատար անձանց հետ կքննարկի երկկողմ հարաբերությունների ընդլայնման ուղիներն ու տարածաշրջանային գործընթացները: Ավելի վաղ Իրանի ԱԳՆ պաշտոնական ներկայացուցիչ Սայիդ Խաթիբզադեն հայտնել էր, որ արտգործնախարարը մեկնելու է Բաքու։

ԶԼՄ–ն հիշեցնում է, որ Ամիր Աբդոլլահիանը շաբաթ օրը Պակիստանում ԻՀԿ երկրների նիստի շրջանակում հանդիպել է նաև ադրբեջանցի գործընկեր Ջեյհուն Բայրամովի հետ: Կողմերը գոհունակություն են հայտնել երկու երկրների զարգացող հարաբերությունների կապակցությամբ: