ԵՐԵՎԱՆ, 22 դեկտեմբերի – Sputnik. Հայաստանի ազգային հավաքականն ընկերական հանդիպում կանցկացնի Նորվեգիայի ազգային հավաքականի հետ: Տեղեկությունը հայտնում է Հայաստանի ֆուտբոլի ֆեդերացիան։
«Հանդիպումը կկայանա 2022 թ. մարտի 29-ին Նորվեգիայի մայրաքաղաք Օսլոյի «Ուլեվոլ» մարզադաշտում»,– նշված է հաղորդագրության մեջ։
Սա կլինի երկու թիմերի միջև երրորդ հանդիպումը: Առաջին անգամ երկու երկրների հավաքականները մրցել են 2002 թ. Աշխարհի առաջնության ընտրական փուլի շրջանակներում: Օսլոյում կայացած հանդիպումն ավարտվել է 0:0 հաշվով, իսկ Երևանում 4:1 հաշվով հաղթել են նորվեգացիները:
Հայաստանի ֆուտբոլի ֆեդերացիան շարունակում է բանակցություններն ընկերական ևս մեկ հանդիպում անցկացնելու վերաբերյալ: Այդ հանդիպումը, ամենայն հանավանակությամբ, կկայանա Երևանում՝ մարտի 25-ին: