ԵՐԵՎԱՆ, 22 դեկտեմբերի – Sputnik. Գալիք` 2022 թվականը պետք է դառնա կորոնավիրուսի հաղթահարման տարի։ Նման հայտարարությամբ է հանդես եկել Առողջապահության համաշխարհային կազմակերպության գլխավոր տնօրեն Թեդրոս Ադհանոմ Գեբրեյեսուսը, տեղեկանում ենք ՌԻԱ Նովոստիից։
«Կարծում եմ, որ այս երկու տարիների ընթացքում մենք ավելի լավ ճանաչեցինք վիրուսը, ունենք ավելի լավ միջոցներ։ Հենց այս կապակցությամբ էլ ասում եմ, որ պետք է այդ պանդեմիան հաղթահարենք 2022 թվականին»,–ասել է նա։
Նրա խոսքով` այժմ գլխավորը ձեռքի տակ եղած միջոցներն արդյունավետ օգտագործելն է, այդ թվում ՝ պատվաստանյութերը և առողջապահության պաշտպանության այլ միջոցները։ Նա նշել է նաև, որ պետք է վերջ դնել պատվաստանյութերի բաշխման անհավասարությանը:
Հիշեցնենք, որ կորոնավիրուսի նոր` «Օմիկրոն» մանրէահիմքն է շրջանառվում աշխարհի մի շարք երկրներում։
Առողջապահության համաշխարհային կազմակերպության տվյալներով` կորոնավիրուսի «Օմիկրոն» մանրէահիմքով վարակվելու դեպքեր են գրանցվել աշխարհի 100-ից ավել երկրներում։