Այս շաբաթ տեղի են ունեցել մի շարք իրադարձություններ, որոնք չեն վրիպել Sputnik Արմենիայի «ֆոտոաչքից»։
Շաբաթը սկսվեց հանրային տրանսպորտի վարորդների բոյկոտով։ Վարորդները պահանջում էին աշխատանքային պայմանների բարելավում, մասնավորապես, աշխատավարձի բարձրացում։
Մյուս բողոքի ակցիա իրականացնողներն արդեն ԱԺ ընդդիմադիր «Հայաստան» և «Պատիվ ունեմ» դաշինքներն էին։ Նրանք հավաքվել էին Բարձրագույն դատական խորհրդի դիմաց՝ պահանջելով վերջ տալ ՏԻՄ ընտրություններից հետո ընտրված համայնքապետերի նկատմամբ հետապնդումներին:
Մշակութային թեմաներից կարելի է նշել Աշտարակում բնակվող նկարիչ Գևորգ Մելտոնյանի ստեղծագործությունների ցուցադրությունը։
Հաջորդ մշակութային թեման Բեյրութից Գյումրի տեղափոխված խաչքարագործ Նարինեի հետ հարցազրույցն է։ Այժմ աղջիկը կայացած խաչքարագործ է, երազում է իր արվեստանոցը բացելու մասին։
Այս և այլ իրադարձությունները դիտեք Sputnik Արմենիայի պատրաստած ֆոտոշարքում։