ԵՐԵՎԱՆ, 18 դեկտեմբերի – Sputnik. Քիչ առաջ ՀՀ արտակարգ իրավիճակների նախարարության փրկարար ծառայության ճգնաժամային կառավարման կենտրոնի և օպերատիվ կառավարման կենտրոնի խմբեր են մեկնել «Զվարթնոց» միջազգային օդանավակայան։
Ինչպես հայտնում է shamshyan.com–ը, օդանավակայանի ղեկավարությունը տեղեկություն է ստացել, որ տարածքում ռումբ կա։
Այս պահին փրկարարները կատարում են որոնողական աշխատանքներ, տեղում են նաև ոստիկանության Զվարթնոցի գծային բաժնի աշխատակիցները։