ԵՐԵՎԱՆ, 18 դեկտեմբերի - Sputnik․ «Pfizer» և «AstraZeneca» պատվաստանյութերը «Օմիկրոնի» մանրէահիմքի դեմ պակաս արդյունավետ են, քան «Դելտայի»։ Այս մասին նշված է Առողջապահության համաշխարհային կազմակերպության փաստաթղթերում։
Անգլիայում անցկացված ուսումնասիրությունները ցույց են տվել, որ «Pfizer-BioNTech Comirnaty»–ի կամ «AstraZeneca Vaxzevria»–ի երկու դեղաչափերի դեպքում «Օմիկրոն» հիվանդության դեմ արդյունավետությունը զգալիորեն նվազում է` չեզոքացնող հակամարմինների տիտրերը «Օմիկրոնի» համար պակասում են 4,5 անգամ («Դելտայի» համեմատ)։
Նշվում է, որ բուստերային դեղաչափերը վճռորոշ նշանակություն կունենան շրջանառվող վարակի բարձր մակարդակ ունեցող երկրներում «Օմիկրոն» մանրէահիմքի ապագա ալիքների հետևանքները մեղմելու համար: Սակայն չի բացառվում, որ հենց «Օմիկրոնի» համար առանձին պատվաստանյութեր պահանջվեն։