ԵՐԵՎԱՆ, 17 դեկտեմբերի - Sputnik. Թալին խոշորացված համայնում դեկտեմբերի 5-ին կայացած ՏԻՄ ընտրությունների արդյունքներով ձևավորված ավագանին այսօր գումարել է առաջին նիստը։ Թալինի քաղաքապետ է ընտրվել «Քաղաքացիական պայմանագիր» կուսակցության ներկայացուցիչ Տավրոս Սափեյանը:
Տավրոս Սափեյանը շնորհակալություն հայտնեց իր օգտին քվեարկած կամ չքվեարկած ավագանու անդամներին: «Ես կանգնելու եմ մեզ ընտրած և չընտրած քաղաքացիների կողքին և մեր համայնքը շենացնելու եմ»,- քվեարկությունից հետո ասաց Սափեյանը:
Թալինում կայացած ընտրությունների արդյունքներով «Քաղաքացիական պայմանագիր» կուսակցության օգտին քվեարկել է 5037 ընտրող, «Զարթոնք» կուսակցությունը հավաքել է 2882 ձայն, «Հայք» կուսակցությունը՝ 1624 ձայն, իսկ «Մեր համայնքը» դաշինքը՝ 1258 ձայն: