ԵՐԵՎԱՆ, 15 դեկտեմբերի – Sputnik. Ռուսաստանցի հայտնի երգիչ Գրիգորի Լեպսը տեղափոխվել է մոսկովյան հիվանդանոց։ Տեղեկությունը հայտնում է Mash Telegram-ալիքը։
Ըստ տեղեկությունների՝ 59-ամյա արտիստը հոսպիտալացվել է դեկտեմբերի 14-ին, նա հոգեբույժի օգնության կարիք է ունեցել։
Միաժամանակ Լեպսի ներկայացուցիչ Վլադիմիր Ուրյուպինը «Մոսկվա» գործակալության հետ զրույցում հերքել է դերասանի հոսպիտալացման լուրը։
«Գրիգորի Լեպսը ողջ–առողջ տանն է և պատրաստվում է այս կիրակի կայանալիք համերգին», – ասել է նա:
Ավելի վաղ տեղեկություն էր տարածվել, որ Գրիգորի Լեպսն առողջական խնդիրների պատճառով չեղյալ է հայտարարել երգչուհի Լարիսա Դոլինայի հետ ելույթը: Նշվում էր, որ բժիշկներն անհրաժեշտ ներարկումներ են արել և կայունացրել վիճակը: