ԵՐԵՎԱՆ, 15 դեկտեմբերի – Sputnik. «Երևանի Մխիթար Հերացու անվան պետական բժշկական համալսարան» հիմնադրամն այսօր հոգաբարձուների խորհրդի նիստ է հրավիրել, որի ընթացքում ռեկտորի մրցութային ընտրություն է անցկացվել։ Տեղեկությունը հայտնում է համալսարանի մամուլի ծառայությունը։
«Փակ գաղտնի քվեարկությամբ միաձայն ԵՊԲՀ ռեկտոր ընտրվեց թեկնածու Արմեն Աբգարի Մուրադյանը»,– նշված է հաղորդագրության մեջ:
Մուրադյանը 2016թ. նոյեմբերի 4-ից մինչև դեկտեմբերի 29-ը զբաղեցրել է ԵՊԲՀ ռեկտորի պաշտոնակատարի պաշտոնը, իսկ 2016թ. դեկտեմբերի 29-ից համալսարանի ռեկտորն է:
Պրոֆեսորը բժշկական համալսարանի 22-րդ ռեկտորն է: