ԵՐԵՎԱՆ, 13 դեկտեմբերի – Sputnik. Թուրքական արժույթը հերթական անգամ թարմացրել է պատմական նվազագույն ցուցանիշը` գերազանցելով մեկ դոլարի դիմաց 14 լիրայի սահմանը։ Այս մասին Փրայմի փոխանցմամբ վկայում են առուվաճառքի տվյալները։
Նշվում է, որ արժութային առքուվաճառքն այսօր մեկնարկել է մեկ դոլարի դիմաց 13,87 լիրայից։ Մոսկվայի ժամանակով ժամը 09:40–ին (10:40 Երևանի ժամանակով) դոլարի փոխարժեքը հասել է պատմական նվազագույն ցուցանիշին` 14.1 լիրա։
Վերլուծաբանները լիրայի անկումը կապում են Թուրքիայի ԿԲ–ի կողմից դեկտեմբերի 16-ին սպասվելիք տոկոսադրույքի նոր իջեցման հետ։
Նշենք, որ մեկ տարվա ընթացքում թուրքական արժույթն էժանացել է շուրջ 40%–ով։
Հիշեցնենք` Ժողովրդահանրապետական կուսակցության և Լավ կուսակցության առաջնորդներ Քեմալ Քըլըչդարօղլուն և Մերալ Աքշեները երկրի նախագահ Ռեջեփ Թայիփ Էրդողանին մեղադրել են ոչ կոմպետենտ լինելու մեջ։ Հիմնական ընդդիմադիր ուժերի ղեկավարները կոչ են արել արտահերթ ընտրություններ անցկացնել լիրայի փոխարժեքի ռեկորդային անկման ֆոնին։ Սակայն Էրդողանը մերժել է ընդդիմության պահանջը` հայտարարելով, որ ընտրությունները կանցկացվեն նախանշված ժամկետում, այսինքն` 2023 թվականի հունիսին։
Ավելին, նա ասել է, որ պետք է շարունակել տոկոսադրույքի նվազեցման քաղաքականությունը, որ հենց դրա շնորհիվ հնարավոր կլինի տնտեսական աճի հասնել։