ԵՐԵՎԱՆ, 13 դեկտեմբերի - Sputnik. ՀՀ ԱԺ փոխնախագահ Հակոբ Արշակյանն այսօր` դեկտեմբերի 13-ին, ընդունել է ԳԴՀ ԱԳՆ Արևելյան Եվրոպայի, Հարավային Կովկասի և Կենտրոնական Ասիայի երկրների հարցերով քաղաքական տնօրեն Մաթիաս Լյութենբերգին ու Հայաստանում Գերմանիայի նորանշանակ դեսպան Վիկտոր Ռիխտերին։ Տեղեկությունը հայտնում է ԱԺ մամուլի ծառայությունը։
Հանդիպմանը, որին մասնակցել են նաև ԱԺ Հայաստան-Գերմանիա բարեկամական խմբի անդամ պատգամավորերը քննարկվել է հայ գերիների վերադարձի հարցը, անթույլատրելի է համարել Ադրբեջանի զինված ուժերի ներխուժումը ՀՀ ինքնիշխան տարածք:
ՀՀ ԱԺ նախագահի տեղակալ Հակոբ Արշակյանը ընդունել է ԳԴՀ ԱԳՆ Արեւելյան Եվրոպայի, Հարավային Կովկասի եւ Կենտրոնական Ասիայի երկրների հարցերով քաղաքական տնօրեն Մաթիաս Լյութենբերգին ու Հայաստանում Գերմանիայի արտակարգ եւ լիազոր դեսպան Վիկտոր Ռիխտերին (13 դեկտեմբերի, 2021թ). Երևան
© Photo : official site of the Parliament of RA
Շնորհավորելով դեսպանին պաշտոնը ստանձնելու կապակցությամբ՝ Արշակյանը Վիկտոր Ռիխտերին բեղուն գործունեություն է մաղթել և համոզմունք հայտնել, որ վերջինս կնպաստի հայ-գերմանական կապերի խթանմանը:
ՀՀ ԱԺ փոխնախագահն ընդգծել է հայ ռազմագերիների և Ադրբեջանում պահվող այլ անձանց շուտափույթ վերադարձի անհրաժեշտությունը՝ ակնկալելով Գերմանիայի ակտիվ դերակատարությունը՝ որպես ԵԱՀԿ Մինսկի խմբի անդամ երկիր և ԵՄ առաջատար պետություններից մեկը:
Արշակյանը բարձր է գնահատել նախորդ տարի հոկտեմբերի 29-ին ԼՂ-ի դեմ Ադրբեջանի սանձազերծած պատերազմի հարցով Բունդեսթագում կայացած քննարկումները:
ՀՀ ԱԺ նախագահի տեղակալ Հակոբ Արշակյանը ընդունել է ԳԴՀ ԱԳՆ Արեւելյան Եվրոպայի, Հարավային Կովկասի եւ Կենտրոնական Ասիայի երկրների հարցերով քաղաքական տնօրեն Մաթիաս Լյութենբերգին ու Հայաստանում Գերմանիայի արտակարգ եւ լիազոր դեսպան Վիկտոր Ռիխտերին (13 դեկտեմբերի, 2021թ). Երևան
© Photo : official site of the Parliament of RA
Լյութենբերգն իր հերթին հաստատել է Գերմանիայի աջակցությունը ԵԱՀԿ Մինսկի խմբի համանախագահության ջանքերին և հույս հայտնել, որ մոտ ապագայում հնարավոր կլինի նաև եռանախագահների այցը տարածաշրջան: