ԵՐԵՎԱՆ, 10 դեկտեմբերի – Sputnik. Եվրասիական ինտեգրման համատեքստում կարևոր է ՀՀ բարձրտեխնոլոգիական բաղադրիչի զարգացումը։ Այսօր Եվրասիական տնտեսական բարձրագույն խորհրդի առցանց նիստում այդ մասին ասաց ՀՀ վարչապետ Նիկոլ Փաշինյանը։
«Ակնհայտ է, որ զարգացման առաջանցիկ տեմպը հնարավոր է կոնկրետ նախագծերի իրականացման, տեխնոլոգիական ինդուստրիայի զարգացման պարագայում ՝ տեխնոլոգիական շղթաների, համատեղ լաբորատորիաների և ախտորոշիչ ինստիտուտների ստեղծման միջոցով», - նշեց Փաշինյանը:
Նա վստահություն հայտնեց, որ ԵԱՏՄ արդյունաբերական ներուժի զարգացումն ուղղակիորեն կախված է արդյունաբերական միջավայրի թվայնացումից։ Դա ենթադրում է բարձր տեխնոլոգիաների, բարձր արագությամբ հաշվողական ենթակառուցվածքների և արտադրական բազայի հնարավորինս լայն կիրառում։
«Կարծում եմ, որ Հայաստանի ներուժը կարող է պահանջված լինել ԵԱՏՄ տարածքում թվային տեխնոլոգիաների ոլորտի մեգանախագծեր ձևավորելիս», - ավելացրեց Փաշինյանը:
Թվայնացման համատեքստում ՀՀ կառավարության ղեկավարը դիտարկեց մասնավորապես նավիգացիոն կապարակնիքների կիրառումը` բեռնափոխադրումների ընթացքում, ինչը նրա համոզմամբ զգալիորեն կհեշտացնի բեռնափոխադրումների վերահսկողությունը։