ԵՐԵՎԱՆ, 10 դեկտեմբերի –Sputnik. Երևանի Թաիրովի փողոցի տներից մեկի մոտակայքում նռնակ է հայտնաբերվել։ Տեղեկությունը հայտնում է ՀՀ արտակարգ իրավիճակների նախարարությունը։
Ըստ հաղորդագրության` Ճգնաժամային կառավարման ազգային կենտրոնը դեկտեմբերի 10-ին` ժամը 08։26-ին, ահազանգ է ստացել, որ քաղաքացին նռնակ է նկատել։
Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը, Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի հրշեջ-փրկարարական և ինժեներական ջոկատի հերթապահ խումբը, Հոգեբանական աջակցության բաժնի հերթապահ հոգեբանը։
Հիշեցնենք` ԱԻՆ–ը երեկ ահազանգ էր ստացել, որ Երևանի Նոր Արեշ 35-րդ փողոցի շենքերից մեկի 6-ից 8-րդ հարկերում ռումբ է տեղադրված։ Տեղազննման արդյունքում ռումբ չէր հայտնաբերվել։