ԵՐԵՎԱՆ, 9 դեկտեմբերի - Sputnik. ՀՀ շրջակա միջավայրի նախարարության Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը հերթական անգամ ցուցադրել է, թե Հայաստանում որքան գեղեցիկ կարող է լինել ձմեռը։ Նա նոր լուսանկար է հրապարակել Facebook–ի իր էջում։
«Ջերմուկը այս պահին», - գրել է Սուրենյանը:
Նրա էջի հետևորդները անմիջապես արձագանքել են գրառմանը։
««Իրական հեքիաթ», «Վանաձորում շոգ է, առավոտից արև», «Իսկ Երևանում ե՞րբ է ձյուն գալու», «Սիրտս Ջերմուկ ուզեց»»,– գրել են նրանք։
Շատ օգտատերեր էլ մեկնաբանություններում գեղեցիկ ու ձյունառատ լուսանկարներ են հրապարակել ու պարծեցել, որ իրենց մոտ ևս գեղեցիկ ձմեռ է։
Նշենք, որ արդեն մի քանի օր է` օդերևութաբանները ձյան տեսքով տեղումներ են կանխատեսում երկրի մարզերում։ Որոշ օգտատերեր վշտացած են, որ Երևանում դեռ ձյուն չի լինի։