ԵՐԵՎԱՆ, 8 դեկտեմբերի - Sputnik. ՀՀ պաշտպանության նախարարությունը Facebook–ում լուսանկարներ է հրապարակել, որոնցում երևում է, թե ինչպես է կահավորվում առաջնագիծը։
«Առաջնագծի կահավորման աշխատանքներն ընթացքի մեջ են»,- նշված է հաղորդագրության մեջ:
Հիշեցնենք` ՀՀ պաշտպանության նախկին նախարար, «Հայաստան» խմբակցության ղեկավար Սեյրան Օհանյանը նոյեմբերի 25-ին ԱԺ–ում հայտարարել էր, որ իշխանությունը ժամանակին ոչ մի քայլ չի ձեռնարկել պաշտպանության, ինժեներական կառույցների արագ ձևավորման համար։ Օհանյանը նշել էր, որ իշխանությունն առաջնագծի արագ կահավորման գործընթացը չիրականացրեց` երկիրը կանգնեցնելով այսօրվա աղետի առջև։
ԱԺ «Պատիվ ունեմ» խմբակցության քարտուղար Հայկ Մամիջանյանն էլ դեկտեմբերի 7-ին լրագրողների հետ զրույցում ասաց, որ դիրքերում ամրաշինական աշխատանքներ չեն կատարվում, քանի որ գործող իշխանությունների համար միշտ ձմեռ է։