ԵՐԵՎԱՆ, 4 դեկտեմբերի – Sputnik. Համաշխարհային հռչակ ունեցող երգիչներ Էդ Շիրանն ու Էլթոն Ջոնը թողարկել են «Merry Christmas» համատեղ երգը։ Նոր երգի ու տեսահոլովակի թողարկման մասին նրանք պատմել են անձնական միկրոբլոգներում։
«Տեսահոլովակը նկարահանելիս մի լավ զվարճացանք», - գրել է Շիրանը։
Տեսանյութում ցուցադրվում է, թե ինչպես են ընկերները դիմավորում Սուրբ ծնունդը: Շիրանը, ձնեմարդուն գրկած, թռչում է երկնքով, իսկ Ջոնը դաշնամուր է նվագում։
Տեսահոլովակն արդեն հինգ միլիոնից ավելի դիտում ունի։