Ռազմական օդաչուները կօգնեն մարել անտառային հրդեհները. իրականացվում են վարժական թռիչքներ

ԵՐԵՎԱՆ, 3 դեկտեմբերի – Sputnik. ՀՀ զինված ուժերի օդաչուներն այս օրերին իրականացնում են ուսումնավարժական թռիչքներ։ Տեղեկությունը հայտնում է ՊՆ մամուլի ծառայությունը։

Նշվում է, որ դեկտեմբերի 2-ին և 3-ին, նոր ուսումնական ծրագրի համաձայն, ուղղաթիռներով իրականացվել են հրդեհաշիջման վարժանքներ։

Անհրաժեշտության դեպքում ռազմական օդաչուները պատրաստ կլինեն ակտիվորեն ներգրավվել անտառային հրդեհների մարման աշխատանքներին։