ԵՐԵՎԱՆ, 2 դեկտեմբերի – Sputnik. Ամերիկացի դերասան Բեն Աֆլեքը հարցազրույց է տվել Wall Street Journal-ին։ Նրան մի քանի հարց են տվել երգչուհի Ջենիֆեր Լոպեսի հետ սիրավեպի մասին, բայց Աֆլեքսը որոշել է չանկեղծանալ:
«Մեր պատմությունը շատ հետաքրքիր է, բայց ես չեմ պատմի։ Գուցե օրերից մի օր թղթի վրա գրեմ ու այրեմ», - ասել է նա։
Դերասանը նշել է, որ իր բախտը բերել է, քանի որ կյանքն իրեն երկրորդ հնարավորությունն է ընձեռնել ինչպես դերասանական կարիերայում, այնպես էլ անձնական հարաբերություններում:
«Կյանքի տված ու իմ սովորած ամենադժվար դասերից մեկը թերևս այն է, որ անձնական թեմաները պետք չէ պատմել աշխարհին։ Այս պահին ես իմ կյանքի բոլոր ասպեկտներում իսկապես կարևորում եմ գաղտնիությունը: Ես ուզում եմ մի փոքր զսպվածություն դրսևորել: Բայց կարող եմ ասել, որ մեր պատմությունն իսկապես գեղեցիկ է»,- ասել է Աֆլեքը։
Առաջին անգամ Բենն ու Ջենիֆերը հարաբերություններ սկսեցին 2002 թվականին և շուտով նշանվեցին։ Նրանք պատրաստվում էին ամուսնանալ 2003-ի սեպտեմբերին, սակայն հետաձգեցին հարսանիքը, իսկ 2004-ի հունվարին բաժանվեցին։ Այս տարի հայտնի դարձավ, որ զույգը կրկին միասին է։