ԵՐԵՎԱՆ, 1 դեկտեմբերի – Sputnik. Լիճք գյուղի «Էդոյի գոմեր» կոչվող տարածքում բռնկված հրդեհի հետևանքով մոտ հարյուրավոր կենդանիներ են սատկել։ Տեղեկությունը հայտնում է ՀՀ արտակարգ իրավիճակների նախարարությունը։
Գեղարքունիքի մարզային ճգնաժամային կառավարման կենտրոնը հրդեհի մասին ահազանգը ստացել է դեկտեմբերի 1-ին` ժամը 01:14-ին։
Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից չորս մարտական հաշվարկ։
Ըստ նախնական տվյալների՝ այրվել է անասնագոմ, մոտ 6000 հակ անասնակեր, անկել է մոտ 700 ոչխար և մոտ 25 խոշոր եղջերավոր կենդանի։
Հրդեհը մեկուսացվել է ժամը 03:00-ին, մարվել՝ 09։44-ին։