ԵՐԵՎԱՆ, 27 նոյեմբերի – Sputnik․ Կորոնավիրուսի «օմիկրոն» նոր շտամը դժվար թե համավարակի նոր ալիք առաջացնի պատվաստված բնակչության շրջանում։ Հայտարարել է AstraZeneca դեղամիջոցի գլխավոր մշակող, Օքսֆորդի համալսարանի պրոֆեսոր Էնդրյու Պոլարդը։
«Շատ քիչ հավանական է, որ պատվաստված բնակչության շրջանում համաճարակի նոր բռնկում լինի, ինչպիսին մենք տեսանք անցյալ տարի», - ասել է Փոլարդը BBC 4 ռադիոյի եթերում:
Պրոֆեսորը կարծում է, որ ներկայիս պատվաստանյութերը կշարունակեն կանխել լուրջ հիվանդությունները։ Նա նաև ենթադրել է, որ «օմիկրոնը» տարածմամբ, այսպես ասած, առաջ չի անցնի Եվրոպայում գերիշխող «դելտա» շտամից: