Հայ երիտասարդ բռնցքամարտիկները հաղթանակով են մեկնարկել Վրաստանում ընթացող հուշամրցաշարում

ԵՐԵՎԱՆ, 26 նոյեմբերի - Sputnik. Հայ երիտասարդ բռնցքամարտիկները հաջող են մեկնարկել Վրաստանի Քութայիսի քաղաքում ընթացող՝ Եվրոպայի առաջնության բազմակի մրցանակակիր Ակակի Կակաուրիձեի անվան հուշամրցաշարում, հայտնում են Հայաստանի բռնցքամարտի ֆեդերացիայի մամուլի ծառայությունից։

Մրցումային առաջին օրը Հայաստանը ներկայացնող 3 մարզիկներից երկուսը՝ 57 կգ քաշային Մանվել Պետրոսյանը և 60 կգ քաշային Գոռ Բեգլարյանը հաղթել են իրենց մրցակիցներին։

Բեգլարյանը առավելության է հասել Վրաստանը ներկայացնող Արամ Քոչարյանի նկատմամբ, իսկ Պետրոսյանը պարտության է մատնել Աչիկո Գափրիդաշվիլիին։