ԵՐԵՎԱՆ, 25 նոյեմբերի – Sputnik. Կառավարության այսօրվա նիստը ՀՀ վարչապետ Նիկոլ Փաշինյանը բացեց ՀՀ նորանշանակ փոխվարչապետ Համբարձում Մաթևոսյանին շնորհավորելով։
Մաթևոսյանը շնորհակալություն հայտնեց «նման բարձր վստահության համար», շնորհակալությունհայտնեց նաև իր գործընկերներին ու արմավիրցիներին իր արդեն նախորդ աշխատանքում իրեն աջակցելու համար։
«Իհարկե, այս բարձր կարգավիճակում փորձելու եմ անել հնարավորը, որպեսզի արդարացնեմ Ձեր և մեր հայրենակիցների ակնկալիքները»,– ասաց Մաթևոսյանը։
Նախկին փոխվարչապետ, այժմ պաշտպանության նախարար Սուրեն Պապիկյանն էլ իր հերթին շնորհակալություն հայտնեց նորանշանակ փոխվարչապետին նախկին աշխատանքի համար ու հույս հայտնեց, որ նոր աշխատանքում էլ Համբարձում Մաթևոսյանը հաջողություններ կգրանցի։ Ինքն էլ իր կողմից խոստացավ ուժերին ներածին չափով աջակցել վերջինիս։
Հիշեցնենք` Արմավիրի նախկին մարզպետ Համբարձում Մաթևոսյանը ՀՀ փոխվարչապետ է նշանակվել ՀՀ նախագահ Արմեն Սարգսյանի այսօրվա հրամանագրով` վարչապետ Նիկոլ Փաշինյանի առաջարկությամբ։
Նա մարզպետի պաշտոնից ազատվել էր երեկ` նոյեմբերի 25-ի կառավարության գրավոր քվեարկության արդյունքում։
ՀՀ փոխվարչապետի պաշտոնը թափուր էր մնացել Սուրեն Պապիկյանի պաշտպանության նախարար նշանակվելուց հետո:
Մաթևոսյանը Արմավիրի մարզպետի պաշտոնում նշանակվել էր 2018 թվականի հոկտեմբերի 16-ին: