ԵՐԵՎԱՆ, 24 նոյեմբերի – Sputnik. Զինված ուժերի ՀՕՊ N զորամասում նոյեմբերի 22-24-ն անցկացվել են «Ռադիոլոկացիոն հանգույցի մարտավարական գործողությունները պաշտպանական օպերացիայում» թեմայով մասնագիտական վարժանքներ։ Տեղեկությունը հայտնում է ՀՀ պաշտպանության նախարարությունը։
Զորամասի ՀՕՊ միջոցները դուրս են բերվել նախորոշված շրջաններ, բացազատվել են դաշտային կառավարման կետեր, սպառազինությունն ու ռազմական տեխնիկան բերվել են մարտական վիճակի։ Բացի այդ, ստուգվել են նաև ստորաբաժանումների փոխգործակցության մակարդակը, հրամանատարների մասնագիտական կարողությունները։
Ըստ առաջադրված խնդիրների` զինծառայողները կատարել են իրենց գործառութային պարտականությունները՝ ցուցաբերելով մասնագիտական բարձր գիտելիքներ ու պատրաստվածություն։