Նիկոլ Փաշինյանը կպատասխանի լրագրողների ու ՀԿ–ների հարցերին

ԵՐԵՎԱՆ, 22 նոյեմբերի – Sputnik. Վաղը՝ նոյեմբերի 23-ին, ժամը 20.00–ին ՀՀ վարչապետը 1.5-2 ժամ Facebook-ի ուղիղ եթերում կպատասխանի հանրությանը հուզող հարցերին։

Այս մասին Նիկոլ Փաշինյանի հայտնում է Facebook-ի իր էջում։

«Սիրելի հայրենակիցներ, ԶԼՄ-ների և հասարակական կազմակերպությունների հարգելի ներկայացուցիչներ. վաղը՝ նոյեմբերի 23-ին, ժամը 20.00՝ ֆեյսբուքյան իմ այս էջի եթերում կպատասխանեմ լրատվամիջոցների և հասարակական կազմակերպությունների հարցերին»,– գրում է նա։

Վարչապետին հարց ուղղելու համար ԶԼՄ-ներն ու ՀԿ-ները կարող են այսօր մինչև ժամը 20.00-ն իրենց հարցերն ուղարկել press@gov.am էլ. փոստին:

Հիշեցնենք, որ Փաշինյանի վերջին ծավալուն մամուլի ասուլիսը տեղի է ունեցել 2020 թ. հունվարի 15-ին՝ Կապանում. այն տևեց 5 ժամ 15 րոպե։