Արտյոմ Դալաքյանը նոկաուտով պաշտպանել է աշխարհի չեմպիոնի տիտղոսը

ԵՐԵՎԱՆ, 21 նոյեմբերի – Sputnik. Ուկրաինայի Դնեպր քաղաքում բնակվող բռնցքամարտիկ Արտյոմ Դալաքյանը պաշտպանել է գերթեթև քաշային կարգում WBA վարկածով չեմպիոնական տիտղոսը, տեղեկանում ենք analitikaua.net–ից։ Նա նոկաուտով է հաղթել պանամացի Լուիս Կոնսեպսյոնին։

Կիևում անցկացված մենամարտի ժամանակ Դալաքյանը նկատելի առավելություն է ունեցել։ Արդեն 5-րդ ռաունդում նա երկու անգամ նոկդաունի է ենթարկել իր մրցակցին, իսկ 9-ում հերթական նոկդաունից հետո մրցավարը տեխնիկական նոկաուտով հաղթանակ է հայտարարել Դալաքյանի օգտին:

Մարզիկը հինգերորդ անգամ է պաշտպանել գերթեթև քաշային կարգում WBA վարկածով չեմպիոնական տիտղոսը։

Հիշեցնենք, որ Ուկրաինայի հայերի միության նախագահ Վիլեն Շատվորյանը Արտյոմ Դալաքյանին պարգևատրել է «Սփյուռքի ակտիվ գործիչ» շքանշանով: